KALIBO, Aklan — Daog ro katutubong Ati sa isla it Boracay sa andang kasong gindihon sa Korte Suprema sa pag-angkon it 2.1 ektaryang eugta sa Brgy. Manocmanoc sa isla.
Base sa desisyong ginpaguwa it First Division it SC, nagkasaea it tikang ro private claimants nga mag-asawang Gregorio ag Ma. Lourdes Sanson kat nagdangop ro mga raya sa Regional Trial Court (RTC) agud nga kanselahon ro Original Certificate of Title (OCT), Certificate of Ancestral Domain Title ag Reconveyance and Damages nga ginpaguwa it National Commission on Indigenous Peoples (NCIP).
Dapat sigon nga nag-agto ro mga raya sa Court of Appeals sa baylu nga sa RTC.
Nag-ugat ro kaso matapos nga gin-award it NCIP ro Certificate of Ancestral Domain Title (CADT) sa mga katutubong Ati ko 2010.
Makataliwan ro sang dag-on, ginpakansela it mag-asawang Sanson ro CADT sa RTC.
Nagpaguwa sigon it ruling ro RTC sa pihak it pag-kuwestiyon sa hurisdiksyon kara sa pagbuyot it kaso sa baylo nga ginsaka kunta sa CA ag sa mataas nga korte.
