Ginklaru it Bases Conversion and Development Authority (BCDA) ag ko Board of Investments (BOI) it DTI nga sangka manufacturing hub ag bukon it artificial intelligence (AI) hub ro planong pagpatindog it Pax Silica hub sa Capas, Tarlac.
Sa pagpamati it Senate Committee on Environment, Natural Resources and Climate Change, ginpaathag ni Department of Trade and Industry (DTI) Undersecretary Ceferino Rodolfo nga tunga ro Pax Silica.
Gintumod kara nga ro sambilog hay angot sa non-binding ukon bukon it pwersahang kasugtanan angot sa economic initiatives it 24 nga nasyon nga ginaeakipan it Pilipinas ag ikaywa ro aktwal nga pagsuporta it proyekto sa nasambit nga lugar.
Owa nanda raya gintawag nga Pax Silica kundi “Clark Advanced Manufacturing Park” nga para sa pag-obra it mga equipment ag component nga i-ga-export sa AI data centers.
Ginduea man ni BCDA President ag CEO Joshua Bingcang ro ginakabaeak-an sa proyekto.
Suno kana nga ro 1,619 nga ektaryang eugta ro amot it gobyerno para sa pagsabat sa concerns it mga komunidad sa development area.
Ginpasiguro pa it BCDA nga indi raya maka-agaw sa suplay it kuryente ag tubig sa Tarlac bangud nga maga-produce it kaugalingon ro mga investors, magagamit it solar energy, baterya, liquefied natural gas ag magabo-oe it tubi halin sa dagat ag maga-obra man it tilipunan it sobrang tubi.
