Implementasyon it limited face-to-face classes sa Nabaoy Elementary School, umarangkada eon

KALIBO, Aklan—Nag-arangkada eon ro face to face classes halin it grade 1 hasta it grade 6 sa Nabaoy Elementary School sa banwa it Malay nga gin-umpisahan kahapon nga adlaw it Lunes, Marso 21, 2022.

Angot kara, kapin sa 118 ro kabilugang enroles sa nasambit nga elementarya.

Una kara, nataw-an it kahigayunan ro eskwelahan nga mapabahin sa face to face classes kon siin suporatdo man raya it DepEd Aklan, lokal nga gobyerno it Malay ag mga stakeholders.

Ro klase hay igapatigayon sa sueod it ap-at nga oras ag raya man ro naga-isaeahanong eskwelahan sa banwa it Malay nga ginpasugtan nga makaangkon it face to face classes matapos nga maeab-ot it mga raya ro requirements para makapatigayon it in-person class.