USA – Ginpaandaman ni incoming US Secretary of State Marco Rubio ro China nga dapat punduhon eun ro pagpanggulo kara sa Pilipinas ag Taiwan.
Sa confirmation hearing sa US Senate Foreign Relations Committee sa nomination ni Rubio bilang US Secretary, ginpahayag nana nga ro mga aksiyong ginahimo makaron it China eubos nga nakakasamad, ginapwersa sigon kara ro Amerika nga maghimo it counteractions bangud may una raya nga commitments sa Pilipinas pati sa Taiwan nga anda man nga pagapadayunon.
Dugang pa it Republican Senator nga kun gusto it China nga maghimo it paagi para maging malig-on ro relasyon it US ag China, dapat sigon nga punduhon ro pagpanggulo sa Taiwan ag Pilipinas bangud ginapilit kara nga nga itao ro andang atensiyon sa mga pamaagi nga uwa sanda naila nga himuon.
Ginpaandam pa ni Rubio nga mabahoe ro magiging epekto sa bilog nga kalibutan ingkaso nga mag-angkon it anuman nga “miscommunication o inadvertent conflict” sa pagpangharass it China sa disputed waters, nga magatueod sa US para depensahan ro PH bilang treaty ally o kaalyado kara.
Ro pahayag ni Rubio hay sa tunga it panibag-ong development sa West Philippine Sea kun siin padayon ro illegal nga deployment it mabahuean nga barko it China sa katubian it Pilipinas maeapit sa Zambales nga ginhalimbawa ni Rubio bilang harassment.
Si US Sen. Rubio nga ro gintaeana ni US President-elect Donald Trump nga manguna sa State Department ag magiging successor ni outgoing Secretary of State Anthony Blinken.
Samtang, nagapati si Rubio nga importante nga mapabaskog pa ro kaangtana it Pilipinas ag US.Mapan-uhan sigon sa nagtaliwan nga dag-on nga daeayon nga nabuhinan ro military presence it US sa Pilipinas kasunod eun man it pilang desisyon it nagtaliwan nga administrasyon.
Apang, suno kay Rubio, mapan-uhan ro pagbalik it naga-init it kaangtana it Pilipinas ag US sa idaeom it bag-ong administrasyon.
Sa pihak kara, ginklaro it incoming US State Secretary nga indi dapat magpokus sa pagiging militarized zone it PH o magpokus eamang sa security arrangement bagkus hay dapat sigon tan-awon ro economic partnership sa tunga it daywang nasyon.
