KALIBO, Aklan—Nagpadumdum si League of the Municipalities of the Philippines ukon LMP-Aklan chapter president ag Ibajay mayor Joen Miraflores sa publiko nga indi pagbalewalaon ro mga health safety protocols maskin nga ginhaeugaan ro pilang restrictions makaron nga extended ro general community quarantine sa probinsiya.
Suno kay mayor Miraflores nga indi pag-abusuhon ro free movement ukon kahilwayan sa pagbiyahe sa sueod it probinsiya it Aklan nga gintau sa mga pumuueuyu kadungan ro pagduea it mga quarantine pass ag certification halin sa natungdan nga mga mayor.
Bawae gihapon suno kana ro pagguwa it mga naga-edad it 21 panaba ag 60 anyos pataas mag-eowas kon may importanteng paeanawon ukon nagasueod sa trabaho.
Ginpadumdum man nana ro publiko nga kaibahan eon sa new normal ro pagsuksok it face mask ag social distancing.
Owa suno kana nagakahueugan nga kon ginhaeugaan ro mga restrictions hay owa eon it paeag it COVID-19 pandemic.
