BALITANG ESPESYAL – Sangka Italian artist ro nagdrawing it mabahoe nga Eiffel Tower sa anang eanas maeapit sa Verona para iselebrar ro paeaabuton nga Paris Olympics.
Ro land artist, nga si Dario Gambarin, hay naggamit it tractor para maghimo it sangka piece of art.
Ro latest performance nga himo it Italian land artist, nga mas kilaea abroad sa anang ‘land portraits’ ni former US Presidents Barack ag Donald Trump ag Pope Francis, hay inspired sa paeaabuton nga Olympic Games sa Paris.
Ro drawing hay ‘freehand’ nga may plough nga ginabira it tractor, nga nagasukat it 20,000 square metres ag ginhimo sa paeayan it trigo sa Castagnaro, sa probinsiya it Verona.
Sa ibabaw it limang Olympic circles hay ro Eiffel Tower, ro iconic symbol it Ville Lumiere, sangka tribute paagi kay Gambarin nga gindedikar ro anang hinimuan sa katawhayan ag pag-eaum nga ro sport hay mahimo magtingob sa mga tawo sa bilog nga kalibutan.
