Naaresto it mga kapulisan ro sambilog sa tatlong akusado ni Pastor Apollo Quiboloy nga si Pauline C. Canada.
Ginkumpirma it mga kapulisan ro pagkaaresto kay Canada nga nagapangatubang sa kasong Qualified Human Trafficking ag Child Abuse.
Madumduman nga may nakataeana nga pabuya sa ueo ni Canada nga nagaabot sa 1 milyon pesos.
Samtang sa pihak nga parte, ginkumpirma it Philippine National Police nga nakabaton sanda it nagkaeain-eain nga mga tawag nga nagatao it impormasyon sa posibleng lokasyon it self-proclaimed Son of God ag wanted nga si Pastor Apollo Quiboloy.
Apang, ginklaro ni PNP Public Information Office chief PCol. Jean Fajardo nga inde eagi nanda pagbatunon ro ginatao nga impormasyon bangud nga posibleng ginalihis eamang it iba ro pokus ag ginahimo nga imbestigasyon it ahensya.
Ro tanan hay maid-id nga ginapaidaeom sa validation ag may proseso man sandang ginasunod.
