KALIBO, Aklan—Nagpangayo it pag-intindi ag suporta sa publiko ro hepe it Kalibo Pnp kasunod it ginapatuman nga mga patakaran sa pagsueod sa nasambit nga police station ย para sa nagkaeain-eain nga transaksyon.
Suno kay Police Major Belshazzar Villanoche ย nga umpisa nga ginpaidaeum ย sa community quarantine ro Aklan hay ginpatuman nanda ro One Entry, One Exit Policy, kun sa siin, nagtaeana eamang it sangka pwertahan nga pagasudlan ag paga-guw-an sa pagsueod sa andang taeatapan.
Mag-eowas kara, nagtaeana man sanda it log book para sa mga bisita agud nga madali nga matumod ro andang pangaean ag address.
Ginatun-an man sigon nanda makaron nga makabutang it hand washing area sa guwa it police station.
Nag-request man sanda kay Kalibo mayor Emerson Lachica it handheld thermal scanner para sa mga nagasueod nga ย kliyente ag posibleng pagagamiton sa border checkpoint ย agud nga mausisa ro body temperature it kada indibidwal.
Owa man sigon nanda gina-require ro โno face mask , no entry policyโ.
ย Sa pihak nga parte, padayun man sigon ย ro andang pag-assist sa pagtumod sa mga persons ย under investigation ag persons under monitoring.
Halimbawa sigon kara ro pag-usoy sa ย mga koreano nga magabakasyon kunta sa isla it boracay halin ย sa incheon south korea nga nag-abot sa aklan ko domingo it agahon.
Insigida sigon nga gindaea sanda sa kalibo international airport sa uman nga pagbiyahe ย pagbalik ย sa andang nasyon.
