KALIBO, Aklan–Plano makaron ni Kalibo Sangguniang Bayan member Atty. Christine Dela Cruz nga matutukan ro tatlong ka mga komitiba nga gintugyan kana.
Ginakaeakipan raya it Committee on Rules, Laws and Ordinances, Committee on Agriculture, Food and Cooperatives ag Committee on Women and LGBTQI+.
Suno kay Atty. Dela Cruz, gusto anay nana nga usisaon ro mga kueang, kinahang-ean nga amyendahan ag i-update nga mga laye antes raya dugangan.
Gin-insister man kara nga natyempo eon para amyendahan ro Gender and Development Code nga ginhimo pa ko 2011.
Kinahang-ean eon sigon raya nga i-update bangud maabo eon nga natabo ko nagtaliwan nga masobra sang dekada.
Sa kamatuoran suno kana hay gin-umpisahan eon nanda ro pagbaeay kara.
Samtang, sa bahin man it agrikultura, ginpasiguro it opisyal ro pagtao it nagakaigo nga igtueopangod sa mga mangunguma agud nga matutukan ro sektor.
Gin-engganyo man kara ro mga farmers nga magparehistro sa Philippine Crop Insurance Corporation.
Raya hay ginapanag-iyahan it gobyerno nga makatao it bulig sigon sa mga mangunguma engkaso nga mabiktima it kalamidad ro andang eugta nga gina-umhan.
