Kalibo, Aklan-Sambilog sa mga ginatutukan makaron sa nagahilapit nga 2025 midterm election sa probinsiya it aklan hay ro kandidatura ni kalibo Mayor Juris Sucro.
Suno kay dating provincial board member ag political analyst nga si Atty. Harry Sucgang nga makabig nga major player si Mayor Sucro bangud nga maabu ro nagahueat kon ano nga posisyon ro anang pagadaeaganan sa maabot nga eleksyon.
Makabig man suno kana nga owa it ginadampigan nga partido ro alkalde kundi nga ro anang winnability. Ginapamatyagan sigon nana nga kon owa tsansa nga maging kongresista sa unang distrito hay magapabilin raya sa anang presenteng posisyon nga mabahoe ro posibilidad nga imaw hay magadaog.
Nagapati man si atty sucgang nga dehado si Sucro engkaso nga iduso ro kandidatura sa pagka-kongresista bangud sa makinarya it local party nga tibyog-akean. Raya hay sa pihak nga kilaea man si sucro nga maabu nga kwarta.
Nasayuran nga ro gina endorso nga kandidato it tibyog hay ro unga ni aklan 1st District Congressman Carlito Marquez nga si Jess Marquez .
Samtang, uman nga nagpanawagan si atty sucgang nga likawan ro vote buying sa maabot nga eleksyon agud nga makapili it angay ag bagay nga kandidato sa posisyon.
Sa makaron nga tiempo suno kana imbes nga magpamati sa plata porme de gobyerno it kandidato hay mas ginataw-an it importansiya kon pila ro sueod it sobre nga ginpanupod it kandidato.
