KALIBO, Aklan—Kapareho sa naging kapalaran ni dating US President Donald Trump, posibleng maabswelto man si dating Pangueong Rodrigo Duterte sa mga kasong igapasaka kontra kana .
Raya hay kasunod it pinakaulihi nga desisyon it Korte Suprema sa Estados Unidos nga may immunity si Trump sa criminal prosecution para sa pilang mga akto nga ginhimo kara kat imaw pa ro presidente it Amerika.
Suno kay dating sangguniang panlalawigan member ag political analysts sa Aklan nga si Atty. Harry Sucgang nga dapat nga may maipresentar nga mabakod nga ebidensiya agud nga madum-ok imaw sa kaso.
May posibilidad suno kana nga mabalewala ro immunity ni Duterte sa pagpasaka it kaso sa imbestigasyon it International Criminal Court (ICC).
Nasayuran nga daywang isyu ro ginatutukan makaron it kampo ni Trump.
Raya hay ginaeakipan it pagmanipula sa 2020 US elections ag pag-atake it mga supporters kara sa United States Capitol Building sa Washington, D.C. samtang ro isyu nga ginahaboy kay Duterte hay ro war on drugs ag ro pag-eabag sa tawhanong kinamatarung,
