-- ADVERTISEMENT --
KALIBO, Aklan—Nadakpan it 3rd Maneuver Platoon, 2nd Aklan PMFC ag Nabas PNP sa ginpatigayon nga checkpoint sa Brgy. Pinatuad, Nabas ro sangka multicab nga may daea nga ginalon nga gasolina.
Nagaabot sa 22 nga galon nga ginakaeakipan it pitong galon nga gasolina ag 15 galon it krudo ro hakumpiska sa mga suspek nga nasayuran nga owa it nagakaigo papeles agod i-transport ro mga raya.
Sa makaron hay ginturn-over eon sa Nabas PNP ro kustodiya sa mga gasolina ag posibleng magpangatubang sa kasong pag-eabag sa PD 1865 ukon Illegal Transport of Petroleum Products ro mga suspek.
