Kapin sa 40 milyong Pilipino ro uwa it malimpyong ilimnon nga tubi sa nagkaeain-eain nga lugar sa nasyon. Base sa naging pahayag ni Department of Environment and Natural Resources (DENR) Secretary Maria Antonia Yulo- Loyzaga nga ginapatutukan ni Pangueong Ferdinand Marcos Jr. ro mga lugar.
Ginpahayag ni Loyzaga nga ro mga uwa pa it malimpyo nga tubi hay ro mga nagaistar sa mga kabukiran ag mga isla rason nga nagabaroto pa para makabuoe eamang it mainom nga tubi sa ibang lugar.
Sambilog sigon sa ginatun-an it DENR hay kon may sapa ukon maboe-an it tubi ag magabutang it filtration system partikular sa mga mabukid nga porsyon it lugar agud may magamit nga tubi rason nga kinahang-ean ro desalination plant para makaangkon it malimpyo nga mainom nga tubi ro mga pumueoyo maeapit sa dagat.
Aminado si Loyzaga nga inde maabot it serbisyo it gobyerno ro mga maisot ag maeayong Barangay rason nga ginatinguhaan nandang makaangkon it pondo agud mabatyagan ro serbisyo it gobyerno.
