Kapin sa 7,060 nga mga pumueoyo sa banwa it Malay fully vaccinated eon kontra COVID-19

KALIBO, Aklan—Kasunod it nagapadayun nga vaccination rollout sa bilog nga probinsya it Aklan, nag-abot eon sa 7,060 nga mga pumueoyo ro fully vaccinated eon kontra sa COVID-19 sa banwa it Malay.

Ginakaeakipan raya it mga healthcare workers, senior citizens ag essential workers kung siin ro pinakamaabo hay ro mga tourism workers sa isla it Boracay.

Suno sa Municipal Health Office (MHO)-Malay, ginahueat eon lang nanda makaron nga maturukan it 2^nd dose ro kapin sa 14, 505 nga indibidwal.

Nasayuran nga target it lokal nga gobyerno nga mabakunahan ro kapin sa 40,000 nga mga pumueoyo it banwa agud nga maabot ro ginahandom nga herd immunity.