SPORTS News — Nag-atras sa Team USA ro Los Angeles Clippers star nga si Kawhi Leonard pilang adlaw antes ro nagahilapit nga Paris Olympics.
Suno pahayga it USA Basketball, pilang domingo eon nga nagsunod sa practice si Kawhi ag preparado eon raya nga mag-compete.
Apang ginpahayag nga gindesisyunan it organisasyon ag Clippers nga mas mayad nga tutukan eon lang nana ro upcoming season sa baylo nga magpasakop sa Olympic games.
Madumduman nga si Kawhi hay nagpasakop sa 68 nga hampang sa 2023-2024 NBA regular season maskin nga naga-angkon it chronic knee soreness ag inflammation.
Nakita man sigon it mismong staff it Team USA sa mga ginpatigayon nga practice nga medyu mabudlayan imaw sa anang tuhod ag indi maitau ro 100% sa Olympic tournament.
Kasunod kara, gin-anunsyo it Team USA nga pagabuslan ro slot si Kawhi ni Boston Celtics star Derrick White.
Sa group phase sa Olympics nga maga-umpisa sa Hulyo 28 sa France, maka-atubang it USA ro Serbia nga pagapangunahan it sambiog pa nga dating MVP nga si Nikola Jokic; South Sudan; ag Puerto Rico.
