Pumanaw eon ro beteranong beauty expert nga si James Cooper sa edad nga 73-anyos.
Ginkumpirma it anang manghod ga babaye nga si Grace San Miguel Agsalud ro pagkamatay ni Cooper samtang raya hay sa San Pablo City ,Laguna.
Nagapahaum sigon raya sa prusisyon para sa Santacruzan sa San Pablo cathedral tag gulpi eon lang imaw nga natumba.
Gindaea pa sigon si cooper sa community hospital sa San Pablo City.
Mataeopangdan nga nag selebrar pa imaw ra it anang ika-73 birthday ku nagtaliwan nga Mayo 18.
Sumikat si Cooper sa Hollywood dag-ong 1970 tag maging make-up artist imaw it mga sikat nga artista kapareho nanday Farrah Fawcett, Victoria Principal ag Jamie Lee Curtis.
Sambilog si Cooper sa ginakabig nga haligi nit local make-up industry kamana man it nagtaliwan man nga si Fanny Serrano, Jesi Mendez ag maabu pang iba.
