KALIBO, Aklan — Dismayadong nagdangop sa Boracay Tourist Assistance Center (BTAC) ro sangka Korean national matapos mabiktima it sangka eaeaki nga miyembro it “Salisi Gang” samtang nga sa sueod it fast food chain sa Brgy. Balabag sa isla it Boracay.
Gin kilaea ro biktimang si Lee Nam Young, 50, taga-Korea ag naga bakasyon eamang sa isla.
Nabo-oe kana ro sangka bag nga may sueod nga 316 US dollars, P50,000 ag 60,000 Korean money kamana man ro iba pang mga importanteng kagamitan ag dokumento.
Base sa report, samtang naga hueat sa anang tour guide hay owa namalayan kara nga gin bo-oe it suspek ro anang bag nga nakatungtong sa lamesa.
Sa pag-review sa CCTV footage, kitang-kita ro pagbo-oe it suspek sa bag it turista.
Naga padayun ro gina himong imbestigasyon it mga pulis eabi eon ro pagtumod sa identification it suspek.
Gina pahaeong man it BTAC ro mga turista eabi eon ag ro natabo hay mabuhay eon sigon nga istilo it mga Salisi gang sa isla.
