KALIBO, Aklan—Nagapadayon ro imbestigasyon it Kuwaiti government sa pagpanguna it andang pulisya sa nag-eontad nga sunog sa building nga nagaserbeng housing ag dormitory facility para sa dumueoong trabahador it sangka Kuwaiti construction company sa Al-Mangaf, sangka coastal city sa south of Kuwait.
Ginpahayag ni Bombo International Correspondent Joy Escultura-Galvan nga raya hay maskin may naaresto eon ro mga otoridad sa Kuwait sa natabong pagkasunog it edipisyo nga ginkamatay it 50 katawo ag iba pang indibidwal nga naninahan ag padayon nga nagapamayad sa gindaehan kanda nga ospital.
Makasueobo suno kana nga may mga pinoy nga nadaeahig bangud sa soffucation matapos nga uwa ro mga raya it maeapsan paadto sa roof top bangud nga sarado ro aeagyan ko nasambit nga oras.
Ginpahayag dugang ni Galvan nga tatlong katawo makaron ro nakakulong bangud sa suspected manslaughter ag posibleng kapabayaan.
Nagpromisa suno kana ro gobyerno it Kuwait nga inde pagpabay-an ro mga naging biktima it sunog kon sa siin ro bangkay it 45 nga mga Indiano hay naiuli eon sa andang nasyon.
Nagaeaum sigon sanda nga mga pinoy nga uwa eon it kapareho kato nga insidenteng matabo sa mga masunod nga inadlaw ag nag-apela ro mga raya it pangamuyo para sa andang kaeowasan sa ibang nasyon.
