KALIBO, Aklan — Nag-apela it pag-intindi ro Land Transportation Office ( LTO) angot sa hugut nga implementasyon makaron it layi nga nagabawae sa pagsakay sa likod it mga pick up nga saeakyan.
Suno kay Engr. Marlon Velez, head it LTO-Aklan nga raya hay kasunod it nabaton nga memorandum ko Setyembre 30 angot sa instrikto nga pagpatuman it kapasidad it saeakyan.
Gindugang pa ni Velez nga raya hay base man sa nakabaehag sa Section 32 ag 51 it Republic Act 4136 kun sa siin indi pwede nga mag-sakay ro mga tawo sa atop it jeep pati eon ro truck nga may karga ag may mga tawo nga nagasakay sa ibabaw.
Suno pa kay Velez nga ro likod it pick up ukon truck bed hay para eamang sa mga cargo bangud kon mataeupangdan, owa man it pungkuan ag seatbelt rason nga bukon it eowas nga magsakay kara.
Dugang pa ni Velez nga ginapatuman nanda raya agud nga malikawan ro maabu nga maninahan ukon mamatay engkaso nga makaangkon it aksidente sa daeanon.
