KALIBO, Aklan—Mabahoe ro posibilidad nga makaangkon it matag-od nga termino ro mga barangay officials sa oras nga i-synchronize ro Barangay and Sangguniang Kabataan Elections sa midterm elections sa 2025.
Raya ro panan-awan ni dating sangguniang panlalawigan member Atty. Harry Sucgang.
Suno kana nga owa it rason agud nga mapaiway ro barangay elections sa Oktubre 2025 ag ro National and Local Elections sa Mayo bangud sa desisyon nga ginpaguwa it korte suprema.
Raya hay pabor eamang sigon sa mga incumbent officials apang bukon it sa mga opisyal nga bag-ong magapungko bangud nga magaguwa nga daywang dag-on eamang ro andang magiging termino.
Nasayuran nga nauna eon nga nagdesisyon ro Supreme Court nga eabag sa Konstitusyon ro pagbag-o it Barangay ag Sangguniang Kabataan Elections rason nga daywang eleksyon ro paga-asikasuhon it Comelec sa 2025, ro Barangay and Sangguniang Kabataan Elections ag ro National and Local Elections sa Mayo.
