KALIBO, AKLAN — Pagkatapos it pagbubu it mabaskog nga uean, nakitang nagahieawas it mga naga-rondang barangay tanod ro mag-dyowa bandang alas-10:30 it gabi-i sa sueod it sangka sementeryo sa Brgy. Andagao Kalibo, Aklan.
Sa exclusive interview it Bombo Radyo, ginpahayag it tanod nga si Leonard Mainit nga samtang nagalibot sa lugar hay nataeupangdan nanda ro naka-park nga motorsiklo sa madueom nga portion it municipal cemetery ag kat ginpaeapitan hay nakabati sanda nga medyu may nagakaeoskus ag sangkiri nga sangag.
Madasig sigon nanda nga gin-agtunan ro nasambit nga lugar ag ginpaiwagan gamit ro flashlight nga kon sa siin hay nakibot sanda sa andang nasaksihan bangud nga dakop sa aktong nagahieawas rodaywa nga parehong nagatindog ag naka-us-us ro andang mga shorts.
Sa hinyu it daywa hay ginpakamayad nga gintago ro andang mga pangaean.
Ginasugid nga ro babaye hay 21 anyos ag sangka estudyante samtang ro eaeaki hay 17 anyos, ag sangka laborer.
Bangud kara, ginhinyu ro daywa nga magsunod sa Kalibo Police Station.
Ginapatihan nga bangud sa maeamig nga tiempo rason nga ginpa-utwas nanda sa nasambit nga lugar ro andang pagkinahangean sa sex .
Samtang, gin-insister it eaeaki nga owa sanda it relasyon it babaye bangud nga may anang ibang nobya.
Nagka-ibahan eamang sigon sanda sa sangka inuman ag nagsaeampitan nga magwarang.
