KALIBO, Aklan—Maging kalmado ag magbantay.
Raya ro ginpaabot ni Atty. Plaridel Morania, sangka batikang abogado sa Aklan sa parehong oposisyon ag mga tagasuporta ni dating Pangueong Rodrigo Duterte sa pormal nga pagbukas it International Criminal Court (ICC) sa confirmation of charges hearing kontra sa kay Duterte, adlaw it Lunes, Pebrero 23.
Suno kana nga raya hay bukon pa it aktwal nga trial kundi nga tuyo it 4-day hearing nga tumuron kon may bastante nga ebidensya para ipaidaeum ro dating Pangueo sa sangka full trial para sa kasong “crimes against humanity.”
Gindugang pa kara nga maskin “fit to stand trial,” owa nagsipot si Duterte sa Day 1 it hearing matapos pasugtan it korte nga indi magtambong sa kumpirmasyon it mga kaso.
Ginatan-aw sigon it Pre-Trial Chamber kun may bastante nga ebidensya ro Prosecution para padayunon ro kaso paagto sa pagpasaka it pormal nga trial.
Pagkatapos it hearing, magapaguwa ro ICC Pre-Trial Chamber it desisyon sa sueod it 60 diyas kon iga-confirm ro mga charges ag pagapadayun ro kaso sa trial.
Ro nasambit sigon nga hearing hay nakabaehag sa kaso nga ginpasaka it ICC angot sa mga gina alegar nga crimes against humanity nga gina angot sa anang kampanya kontra droga ko termino ni Duterte bilang presidente ag bilang alkalde it Davao City.
