Kalibo, Aklan-Ginsuhestiyon ni Malay Sangguniang Bayan member Alan Palma Sr., nga kinahangean nga makaangkon anay it nagakaigo nga konsultasyon antes nga iduso ro Boracay bridge project. Raya hay kasunod it nagkaeain-eain nga reaksyon maghalin sa lokal nga gobyerno ag mga pumueuyu.
Naka-pending hasta sa makaron ro ginaproponer it San Miguel Corporation nga P5.48- billion pesos nga plano nga pagtukod it tulay nga maga-konekta sa banwa it malay ag isla it boracay bangud sa mga isyu ag concerns nga owa pa naresolba hasta sa makaron. Suno kay SB Member Palma nga dapat nga taw-an anay it konsiderasyon ro maapektuhan nga pangabuhian partikular it mga bangkero, kamana man ro isyu sa environment ag ro bentaha ag disbentaha engkaso nga maduso ro proyekto, eabi eon sa epekto kara sa ekonomiya sa aklan ag sa banwa it malay.
Bilang chairman suno kana it Committee on Public Works and Utilities, interesado sigon imaw nga masayuran ro kaundan ag tinutuyo it proyekto, apang hasta sa makaron hay owa pa nakipag-coordinate sa LGU-Malay ro kompaniya nga nag-propose it proyekto. Nasayuran, nga pila sa mga katuyuan it plano hay agud nga maresolba ro isyu sa overcrowding sa boracay kun sa siin sambilog sa mga ginaproponer hay ro pag-obliga sa mga workers nga idtu mag-usoy it ilistaran sa mainland, malay.
Mag-eowas kara, ro madali nga pagtransport it mga basura kamana man nga malikawan ro pagka-stranded it mga turista kon makaangkon it maeain nga paniempo ag iba pa. Nauna eon nga gin-insister it kompaniya nga ro pag-construct it tulay, hay makabig nga pinaka-importante nga proyekto para sa nagapangunang tourist destination sa nasyon.
