Natub’eag ro publiko sa Barangay Estancia, Kalibo sa mismong prente it gate it Estancia Elementary School bandang alas-8:00 it gabie, June 4.
Nagresponde ro Explosive Ordinance Disposal division it Aklan Police Provincial Office ag nasayuran nga uwa man it sueod ro maleta nga gin’aywan eamang.
Suno kay P/Major Willian Aguirre, deputy chief of police it Kalibo Municipal Police Station nga ro makaraya nga klase it hitabo hay halit ukon kalat kontra sa littering ordinance ag pagtub’eag sa peace and order it lugar.
Nagtuga sigon raya it kabaeaka sa mga pumueoyo bangud nga nagahugom ag uwa nasayuran kun ano ro sueod.
Laygay nana nga ipilak sa tama nga lugar ro mga basura agud man nga makilea nga basura kesa nga magtuga it kabaeaka sa publiko.
Mahimo magpangatubang sa kaso ro nag’aywan sa nasambitan nga maleta mag’euwas sa pagkalat ukon pagtao it alarma sa kaabuan.
Matandaan nga sangka babaye ro nag-aywan it maleta bandang alas-5:00 it aga-aga, adlaw it Martes.
