KALIBO, Aklan — Pagagamiton sa nagkaeain-eain nga mga nagapangunang programa, proyekto ag iba pang aktibidad it provincial government ro masobra sa P65 milyon nga gin-aprubahan nga supplemental budget no. 1, series of 2024 ko nagtaliwan nga session it Sangguniang Panlalawigan.
Suno kay Aklan 1st district board member Teddy Tupaz nga ro bulto it nasambit nga budget ukon masobra sa P14 milyon hay iga-allocate para sa pag-subsidize sa mga munisipyo nga owa pa nataw-an it mga maintok nga proyekto kamana man ro pagdugang sa pondo it indigent nga mga senior citizens, PWDs, mga estudyante ag iba pa nga suno kana hay ginkueang makaron nga dag-on.
Ginbutangan man it allocation ro mga infrastructure projects eakip ro maintenance ag improvement it Goding Ramos Park ag iba pang Maintenance and Other Operating Expenses it nagkaeain-eain nga mga departamento it probinsiya.
Mag-eowas kara, maabu nga iba pa ro pagatigan-an it nasambit nga pondo halin sa masobra sa 50 nga mga programa ag proyekto nga na-identify.
Ginpahayag nga ro iba pang savings kara hay halin pa ko nagtaliwan nga dag-on nga dapat eon nga pagagamiton para sa mga pumueuyu nga nagakinahangean it ayuda .
