Gaabot sa masubra 2,400 nga kabaeayan sa probinsa it Batanes ro nasamad bangod sa pagpanaeasa it Super Typhoon Julian. Raya ro ginkumpirma ni Batanes Governor Marilou Cayco sa publiko.
Sa sangka interview, ginhambae ni Cayco nga raya hay may kabilugang numero nga 2,463 o katumbas it 60% totally damaged samtang 40% kara hay partially damaged.
Paathag it opisyal nga ro mismong numero it mga nasamad nga kabaeayan hay bangod eon man sa mga materyales nga ginamit sa paghimo it mga kabaeayan.
Kaabuan sa mga bag-ong baeay hay himo sa mga light materials eamang.Samtang, nasamad man ro Batanes General Hospital samtang apektado man ro supply it kuryente ag tubi sa probinsya bangos sa kaeain it tyempo.
Pilang ka mga residente ro nailista nga ninahan ag uwa man it ginbalita nga namatay nga residente.
