KALIBO, Aklan—Uman nga nabanhaw si Luka Doncic ag ro Dallas Mavericks matapos tambakan ro Boston Celtics sa score nga 122-84 sa Game 4 it 2024 NBA finals pagkatapos it andang tatlong magkasunod nga kapierdihan.
Nakahimo si Doncic it 25 points sa first half, samtang si Kyrie Irving hay naka-amot it 21 points rason nga nalikawan it Mavericks nga eubusan nga masilhig it Celtics.
Suno sa sports analysts nga si Banga sangguniang bayan member Jocel Rata nga raya hay sangka halimbwa it ginatawag nga “never say die”.
Ro series hay uman nga magabalik sa balwarte it Boston sa pagahiwaton nga Game 5 sa Martes nga adlaw kun sa siin pagatinguhaan it Celtics nga makabawi agud nga maangkon ro andang ika-18 nga kampeonato sa franchise history .
Samtang, nakahimo it kasaysayan si Doncic bilang ika-tatlo nga pinakabata nga player nga naka-score it masobra 25 points sa 1st half it NBA Finals game.
Ro mga players eang nga nakahimo kara hay sanday Kyrie Irving ko 2017 ag Hakeem Olajuwon ko 1986.
Mag-eowas sa ginhimo nga kasaysayan ni Doncic, ro final score it andang team nga 122-84 hay ro ika-tatlo man sa pinakamabahoe nga nailistang abanse sa NBA Finals history.
