KALIBO, Aklan — Bangud sa peligrong daea it kilat, ginsaysay ni Municipal Civil Defense Officer Terence June Toriano it Municipal Disaster Risk Reduction and Management Office (MDRRMO)-Kalibo ro may kaangtanan sa lightining safety crouch, sangka pamaagi agud nga maprotektahan ro kaugalingon engkaso nga maabut-abutan sa open field it uean nga may kaibahan nga pagtama it kilat sa eugta .
Sa nasambit nga posisyon, kinahangean nga nagaku-ob samtang nga naka-squat, naka-dukot ro daywang buko-buko , nakatil-id ag takpan ro daywang dueunggan.
Suno kay Toriano nga sa oras nga naka-V ro imong heels, indi maga-agi ro elekstrisidad sa imong eawas ag maga-eapos sa pihak.
Apang kon makaangkon it kahigayunan hay mas mayad nga mag-usoy it mapanilungan ag mas mayad kon sa sueod it panimaeay.
Samtang, ginlaygay pa kara nga dapat nga kon may mga antenna sa baeay , dapat raya hay grounded ukon naka-dukot sa eugta .
Ko nagtaliwan nga mga inadlaw, mag-ina ro namatay sa Brgy. Feleciano, Balete ag sangka lola man ro naninahan sa Brgy. Ogsip, Libacao tuga it pagtama it kilat.
