KALIBO, Aklan—Maabu nga paga-abangan ro publiko sa nagahilapit nga Opening Salvo it Kalibo Ati-atihan Festival 2023 sa maabot nga Oktubre 8.
Suno kay Carla Suñer-Doromal, Executive Assistant 1 to the Mayor it LGU-Kalibo nga sa opening salvo makita ag masaksihan ro mga “patikim” ukon mga aktibidad nga nakalinyada nga masaksihan sa mismong festival sa Enero it masunod nga dag-on kapareho it face to face nga sadsad ukon street dancing, car show, food fest ag iba pa.
Kadungan it opening salvo hay ro pagpatigayon it State of the Municipality Address ukon (SOMA) kun sa siin dikara igaplastar ni Kalibo Mayor Juris Sucro ro anang mga inobrahan sa sueod it ika-syen diyas sa anang pagpungko bilang alkalde it banwa.
Ginpasiguro pa nga ro okasyon hay bukas para sa tanan nga mga gustong magpasakop eabi eon ro mga grupo ag tribu bangud nga gusto ni Mayor Sucro nga maging magarbo ag makolor ro selebrasyon.
Sa pihak nga parte, ginpasiguro it LGU Kalibo sa mismong Ati-Atihan Festival hay makaangkon it pageant, may mga gin-imbitahan nga banda nga magatukar kamana man nga maabu eon suno kana nga TV network ro nag-offer it proposal nga maga-promote ag maga-cover sa event.
Samtang, ginpahayag dugang nga gin-inspection ni Kalibo mayor Sucro ro nagapadayun nga repair it tulay sa Sitio Liboton, Brgy. Bakhaw Norte, Kalibo.
Gusto sigon it alkalde nga masiguro nga matapos sa mas madali nga tiempo ro pag ayos sa tulay agud nga maagihan eon maskin it mga mabahoe nga saeakyan.
