KALIBO, Aklan — Maabu nga mga fans it P-pop girl group nga BINI ro na-excite sa posibilidad nga magabisita sanda sa banwa it Kalibo.
Raya hay matapos nga mag-viral ro post sa social media ni Barangay Affairs Head Mark Sy it lokal nga gobyerno it Kalibo angot sa litrato it BINI.
Pila sa mga espekulasyon hay posibleng maimbitahang mag-perform ro ginakabig nga Nation’s Girl Group sa paeaabuton nga opening salvo it Kalibo Sto. Nino Ati-Atihan Festival 2025.
Nagapati man ro iba nga siguradong pagadumugon ro venue bangud sa kasikatan it BINI engkaso nga madayun.
Nasayuran nga trending ro BINI, bukon eamang sa Pilipinas kundi maging sa ibang nasyon bangud sa andang gin-release nga single nga “Pantropiko” ko November 2023; kamana man ro “Salamin” nga parte it andang first EP nga Talaarawan nga gin-release mat’a ko March 8, 2024 ag ro pinaka-latest hay ro Cherry on Top.
Ro eight-member girl group hay ginaeakipan nanday Jhoanna, Maloi, Mikha, Aiah, Colet, Sheena, Stacey, ag Gwen.
Samtang, padayun pa nga ginatinguhaan it Bombo Radyo Kalibo nga maboe-an it pahayag si Mark Sy para sa kumpirmasyon it raya nga balita.
