Pagasanayon it mga eksperto it Japan ro mga empleyado it Philippine National Railways (PNR) para pabaskugon ro relasyon it daywang ka nasyon sa railways industry.
Raya hay may kaangtanan ko nagtaliwang opisyal nga pinermahan nanday PNR Officer-in-Charge General Manager Atty. Celeste D. Lauta, ag Kenichi Okada, ro General Manager it International Department of East Japan Culture Foundation (EJRCF), ro kasugtanan it pag eunsad sa “Japan Railway East Fellowship 2024” program sa Naga City ko Hulyo 9.
Nakabutang sa kasugtanan nga igapada-ea ro mga empleyado it PNR sa Japan bieang delegado para batunon ro sunod-sunod nga training sessions, nga nagatao kanda it mga teknikal nga kasanayan para sa sangka mas komportable, accessible, euwas, masaligan ag abot-kayang serbisyo.
Handum it kasugtanan nga pabaskugon ro relasyon sa tunga it mga tawuhan ag korporasyon it daywang ka nasyon sa pamaagi it training programs nga nakatuon sa expertise ag iba pang aspeto it Japanese railway business.
Nagpaabot man it anang sinsero nga pag pasaeamat sa Japanese railways leader si GM Lauta para sa anang suporta sa railway industry sa nasyon partikular sa PNR.
Target it pinermahang programa ro pagpanami it serbisyo it PNR bieang sambilog sa mga naga pangunang Sistema it pampublikong transportasyon sa Pilipinas.
