Hugot ro pagbatay it mga otoridad sa ginapatuman nga ordinansa sa banwa it Banga.
Suno kay PMAJ Ricky Bontogon, OIC Chief of Police it Banga Police Station padayun ro pagtaas it numero it mga aksidente sa daeanon kung siin imbolbado ro mga motorista nga owa it suksok nga helmet.
May kaangtanan kara, maid-id ro andang pagbantay sa ginapatuman nga ordinansa nga Republic Act No. 10054, ukon ro pagsuksok it helmet samtang nagabyahe.
Kinahangean man nga magsuksok it helmet ro backrider ukon angkas it motorista para sa proteksyon.
Paga isyuhan it citation ticket ro mga motoristang magbayolar sa traffic code ag pagataw-an eamang it 72 nga oras para ayuson ro dokumento.
Ginpabutyag dugang nga sandig man sa nasambitan nga ordinansa ro pagtao it incentives sa mga nagapangdakop.
Nagpasalig man ro andang taeatapan nga haom raya sa pag-implementar it nagkaeain eain nga ordinansa para sa siguridad it mga pomoeuyo.
