Nagpakita it pag-ulikid ro mga kandidata it Miss Universe Philippines 2025 sa Ati community it Boracay bilang kaparte it temang “Love above All.”
Sa andang pagbisita ko adlaw it Sabado, Abril 4, personal nga nagpanupod it mga donasyon ro mga beauty queen sa mga miyembro it katutubong komunidad, kabulig ro Aqua Boracay.
Halin sa Northern Samar, nagdiretso ro mga kandidata sa Boracay para sa photoshoots ag swimsuit show.
Apang, ginpamatud-an nanda nga bukon eamang raya it angot sa karangyaa, ginpaiway nanda ro glamor para makihalubilo sa mga unang nagaistar sa isla.
Igapatigayon ro coronation night sa Mayo 2 sa Mall of Asia Arena, kon sa siin igapasa ni Chelsea Manalo ro korona sa masunod nga pambato it nasyon para sa Miss Universe 2025 sa Thailand.
Nasayuran nga daywang Aklanon beauty ro nakasueod sa Miss Universe Philippines 2025 nga ginakaeakipan nanday Taylor Marie De Luna it banwa it Malay ag Mj Fernandez it munisipalidad it Kalibo.
