Gin-engganyo it mga Republican ag Democrat sa U.S. House of Representatives ro pagresign ni U.S. Secret Service Director Kimberly Cheatle bangud sa mga kakueangan sa seguridad nga nagresulta sa pagkabaril kay Republican presidential candidate Donald Trump. apang, nagpamalibad si Cheatle nga magresign ag uwa eon nagtao it iba pang detalye angot sa insidente nga ginkaakig it mga mamalidha.
Ginpahayag ni Republican chair James Comer ag top Democrat Jamie Raskin it House Oversight Committee nga nawad-an eon sanda it kumpyansa kay Cheatle.
Samtang, gin-ako ni Cheatle nga ro pagpamaril ko Hulyo 13 bilang pinakamabahoe nga operational failure it Secret Service sa mga nagtaliwan nga dekada.
Apang, ginpamalibaran nana ro mga akusasyon it mga Republican nga kueang ro gintao nga resources para protektahan si Trump.
