KALIBO, Aklan–Nagakasubo makaron ro mga negosyante nga may pwesto sa Kalibo International Aiport.
Raya hay matapos nga nataeopangdan nga maeanghay eon ro paeoparan bangud nga hueoyapon eon lang ro mga flights it mga airline companies nga nagahugpa idto.
Suno kay Christian James Abogadgie, sangka negosyante sa Kalibo International Airport nga makit-an ro ibang pwesto nga haeos masarado eon bangud sa kawad-an it kita.
Ginakwestyon nanda makaron kon siin ro ngipon it gobyerno probinsyal bangud sa napabalitang may gin-aprubahan nga resolusyon angot sa andang pagpamaeabag nga hugpaan it international flight sa Godofredo P. Ramos airport sa Caticlan, Malay apang nadayon gihapon ro Royal Air maghalin sa Tapei, Taiwan sakay ro masobra 200 ka mga pasahero nga paadto sa isla it Boracay.
Kon magtayuyon sigon nga makarundaya ro sitwasyon sa Kalibo International Airport hay maeogmok ro mga negosyante, mawad-an it pangabuhian ro mga porter ag iba pang indibidwal nga nagasalig sa andang kita sa pang adlaw adlaw nga pagtrabaho sa nasambit nga paeoparan.
Nauna eon nga ginkalipay nanda ro sentimyento it pagmaeabag it mga opisyales sa tikang it pribadong sector nga nagadumaea sa Caticlan Airport apang mas kapin pang nadayon ro andang plano ag makaron hay nagadoble pa ro numero it mga flights nga nagahugpa adlaw-adlaw sa nasambit nga paeoparan.
