NATIONAL News —- Ginkumpirma it Philippine Airlines (PAL) nga nagapanguna gihapon sa pinakamaabung pasaherong nagabuhos makaron hay paagto it Caticlan.
Ikaywa sigon sa mabahoe nga volume it pasahero hay paagto sa Tagbilaran, masunod ro Puerto Princesa, Cebu, Davao ag Bacolod.
Suno kay Philippine Airlines (PAL) Spokesperson Cielo Villaluna, masobra sa 90% it mga pasaherong nagabuhos sa airport hay paagto sa mga nasambit nga destinasyon.
Ginlaygayan man ro mga pasahero nga mag-online check in sang adlaw antes ro andang flight agud nga malikawan ro mahabang pila.
Dapat man sigon nga siguraduhon nga kumpleto ro andang travel documents kapareho it vaccine card ukon vaccination certificate ag magdaea it valid government ID.
Ro mga pasahero man nga magasakay sa domestic flights hay ginalaygayan nga mag-agto sa airport daywang oras antes ro andang flight, ag 3 oras para sa international flights.
