KALIBO, Aklan–Bumuhos ro mga pumeuyu it San Francisco California sa mga karsada bilang pagselebrar sa ika-ap-at nga NBA championship it Golden State Warriors.
Nabo-oe it Warriors ro kampeonato matapos pierdihon ro Boston Celtics sa Game 6 sa score nga 103-90 sa TD Garden Arena.
Suno kay Bombo International Correspondent Greg Aguilar it California, USA nga nakaangkon it mga fireworks sa tunga it selebrasyon kadungan ro pagkinasadya it mga fans nga naging saksi sa pagka-angkon it Warriors sa NBA title.
Ginaeauman nga sa masunod nga domingo hay makaangkon it gina-abangan nga grand parade sa San Francisco.
Nasayuran nga raya eon ro ika-ap-at nga kampeonato it GSW sa sueod it waeong dag-on.
Bumida sa Warriors si Steph Curry nga gindeklarang finals MVP nga nakahimo it 34 points, 7 rebounds, 2 steals ag sangka block.
Naging impresibo man sigon ro amot nanday Andrew Wiggins nga may 18 puntos, 4 nga steals ag 4 nga block ag Draymond Green nga naka-obra it 12 points, 12 rebound ag 8 assist.
