KALIBO, Aklan—Mandatory eon ro pagsuksok it face mask sa banwa it Malay.
Gin-engganyo ni Malay acting town mayor Floribar Bautista ro tanan nga magsuksok it face masks agud nga malikawan ro mas pang pagkalhit it coronavirus disease ukon COVID-19 sa banwa it Malay ag isla it Boracay.
Obligado ro tanan nga mga pumueuyu nga magsuksok it face masks kon nagaguwa sa andang panimaeay.
Kon owa it face mask, pwede eon ro panyo eabi eon kon naga-agto sa mga lugar nga may close contacts sa iba kapareho it tindahan, banko, baraka ag botika.
Mag-eowas sa pagsuksok it face mask, hugut man nga ginapatuman sa banwa it Malay ro social distancing ag pirmeng ginapadumdum ro publiko nga maging malimpyo sa eawas agud nga mabaeabagan ro pandemic sa nasambit nga lugar.
Nasayuran nga nakabaehag sa Executive Order No. 18 ni Bautista nga ginpaguwa ko Abril 8, 2020 ro pagmandu sa mga law enforcement agencies ag barangay officials nga hugut nga ipatuman ro mandatory nga pagsuksok it face masks sa pampublikong lugar.
