Ginkansela it bandang Aerosmith ro iba nandang mga concert tours.
Raya hay bangud sa boluntaryong pagsueod sa rehabailitation it andang frontman nga si Steven Tyler.
Suno sa banda nga nagdesisyon ro andang frontman nga magpa-rehab bangud sa grabe nga bisyo.
Ginpakamayad lang sigon ro nasambit nga rehab para sa insigidas karang pagmayad.
Nakataaeana kunta nga maga-perform ro grupo Las Vegas nga unang kahigayunan kunta umpisa ro pagtama it COVID-19 pandemic.
Ginpasiguro man nanda nga madayon ro pilang ka mga shows nga nakataeana sa Setyembre.
Mataeopangdan nga naging bukas ro 74-anyos nga si Tyler sa pagka sugapa kara sa droga ku nagtaliwan nga mga dinag-on.
Hakontrol eon sigon raya it singer apang nagbalik man raya sa dati rason nga ginpakamayad nga magpa-rehab.
