KALIBO, AKLAN — Nag dangop sa Boracay Tourist Assistance Center (BTAC) ro sangka seaman nga mister matapos bueagan it 26 anyos nga misis ag magsunod sa anang karelasyon nga security guard sa sangka resort sa isla.
Nagpangayo it bulig sa mga pulis ro mister nga gin kilaea sa pangaeang “Mark” nga residente it Numancia, Aklan, apang, napaseawan rayang bawion ro misis nga si “Girlie”.
Suno sa mister nga buean it Pebrero kat mapansin kara ro pagbag-o it misis ag masami rayang nakatutok sa anang cellphone.
Hasta sa eubusan eon rayang magsunod sa karelasyong si “Jun”, residente it Libacao, Aklan ag naga estar sa sangka boarding house sa Boracay.
Nauna kara, gin tinguhaan pa sigon it mister nga i-eayo ro misis paagto it Manila aeang-aeang sa andang tatlong ka mga unga nga maintok pa apang, umeskapo kara ro anang misis ag bumalik sa poder it anang karelasyon.
Sa makaron hay nagdesisyon eon lang ro mister nga i-tau eon lang sa misis ro anang kahilwayan.
