Ginapahauman it mayad it Metropolitan Manila Development Authority (MMDA) ro numero it mga deboto sa maabot nga Pista it Poong Hesus Nazareno sa maabot nga adlaw it Huwebes.
Suno kay Edward Gonzales, MMDA Head of Road Emergency Group, nagtaeana sigon ro andang pamunuan it 1,000 nga mga personnels kaibahan eon kara para sa mga clearing operations sa mga kalye nga pagaagyan it andas it Nazareno.
Ro mga raya hay igapakalhit halin sa Quirino Grandstand, sa mismong prusisyon hasta sa makaabot ro Poon sa sueod it Quiapo Church.
Paathag nana, magkaseparado ro komite nga gintaeana it MMDA sa nasambit nga adlaw para masiguro ro kaeowasan it mga deboto maging ro daeagan it trapiko sa mga karsadahon it Maynila.
Ginaeauman nga mas mataas ro numero it mga deboto nga magaadto umpisa sa adlaw it Martes, adlaw it paharo hasta sa mismong adlaw it traslacion sa Huwebes.
Samtang, nagpadumdom si Gonzales sa mga deboto nga kon pwede ro mga may kapansanan ukon ro mga may daea nga onga hay magpabilin eon lang sa andang mga panimaeay para mapabilin nga eowas samtang nakikibuylog sa pista.
