Pagadaehon it sangka dance group sa pangkalibutanong entablado ro pangaean it banwa it Kalibo.
Suno sa leader nga si Justine Leary Ranigo, ag Joshua Dailisan, sambilog sa mga myembro it MOFEST FAM, mabahoe nga dungog ro makaabot sa pangkalibutanong entablado gamit ro andang hilig sa pagsaot.
Nag-umpisa sigon ro nasambit nga grupo ku buean it Oktubre kun sa siin napagdesisyunan nanda rayang ipangaean sandig sa selebrasyon it Ati-atihan Festival nga ginakabig nga “Mother of all Philippine Festivals”.
Raya man sigon ro andang gingamit nga tema it andang ginrepresenta nga saot sa World Supremacy Battlegrounds 2026 para nga maging kapansin-pansin ag kakaiba sa tanan nga mga entries kun sa siin nakuhit nanda ro pang limang pwesto nga naging daean para makasueod sa “Road to HongKong” competition.
Dugang pa nanda, sa pihak nga may mga kaugalingon eon nga responsibilidad sa kabuhi, indi sa gihapon nanda malipatan ro andang pagkahilig sa saot ag padayon nanda rayang paga-ubrahon hasta makaya it andang mga eawas.
Nagapanawagan man sigon sanda sa lokal nga gobyerno nga kunta masuportahan ro tanan nga dance groups sa probinsya bangud nga bukon eamang it pangaean it andang grupo ro andang ginadaea sa pangkalibutanong entablado kundi ro bilog nga banwa it Kalibo.
Sa mga may binueawan nga tagipusu-on ag gusto nga mag-paabot it bulig sa MOFEST FAM, pwede nga mag-contact sa andang page nga “MOFEST FAM OFFICIAL” ukon mag-send sa Gcash ni Adam Jay R. nga may numerong 09282984506.
