Nagapahaom eon ro National Commission of Senior Citizens (NCSC) sa pagpatuman it Republic Act 10868 ukon mas kilaea bilang Centenarians Act of 2016.
Umpisa sigon sa January 2025 hay pagadumaeahan eon it komisyon ro pagpatuman sa Centenarians Law, ro laye nga nagatao it bastanteng benepisyo sa mga magueang.
Mag-eowas sa lumang Centenarians Law, pagapangunahan man it komisyon ro pagpatuman sa Republic Act 11982 ukon ro Expanded Centenarians Law.
Sa idaeom it 2016 Centenarians Law, ginataw-an ro mga senior it hasta sa P100,000 cash kon naabot nanda ro edad nga 100.
Sa idaeom mat-a it Expanded Centenarians Law, mataw-an it P10,000 cash ro mga senior nga umabot eon sa edad nga 80.
Panibag-ong P10,000 kon naabot nanda ro 85, 90, ag 95.
Ginpasiguro it ahensiya ro maayos nga transition sa pagpatuman sa mga nasambit nga laye nga presenteng ginapangunahan it Department of Social Welfare and Development (DSWD).
