KALIBO, Aklan–Nagapabilin nga manaba ro turnout it nagaparehistro sa mga ospina it Commission on Elections (Comelec) para sa nagahilapit nga 2023 Barangay ag Sangguniang Kabataan (SK) elections.
Suno kay Crispin Raymund Gerardo, tagapaghambae it Comelec-Aklan nga masyadong mahawan makaron ro andang taeatapan bangud hueoyapon eamang ro mga pumueoyo nga naga-adto para magparehistro.
Padayun man kara nga gina-engganyo ro mga pamatan-on ag iba pa nga owa nakaparehistro nga magpalista eon agud nga makaboto.
Bukas sigon ro andang mga opisina halin Lunes hasta Sabado kaeakip ro holiday umpisa alas-8:00 it agahon hasta alas-5:00 it hapon sa pagbaton it mga gustong magparehistro, transfer, correction of entry, change of status ag reactivation.
Angot kara, target sigon nanda nga magpatigayun it sattelite registration sa mga eskwelahan agud nga mag-abu ro magaparehistro para sa SK elections
