KALIBO, Aklan—Owa it anuman nga senyales nga maka-abot sa isla it Boracay ro oil spill nga halin sa eumugdang nga barko sa Oriental Mindoro.
Suno kay Coast Guard Commander Jansen Benjamin, tagapaghambae it PCG-Region 6 nga raya hay kasunod it andang ginpatigayon nga coastal monitoring patrol sa baybayon it banwa it Malay.
Dugang pa nga nagpundo eon ro pagdagsa it oily water sa Caluya, Antique.
Nasayuran nga nakaabot ro oil spill sa caluya nga naka apekto sa tatlong barangay idtu rason nga ginpaidaeum ro PCG sa pinakamataas nga alerto agud nga magbantay sa mga baybayon it Western Visayas.
Sa pihak kara, owa nanda ginaduea ro posibilidad nga makaangkon it oil slick sa Boracay ag iba pang lugar sa isla it Panay bangud sa ginapanan-aw nga pagbuga it panibag-ong volume it langis halin sa eumugdang nga barko ag direksyon it hangin bangud sa mabaskog nga amihan.
