Naboue it ikaywang pagdaog ro onga ni Senator Manny Pacquiao nga si Jimuel sa anang amateur fight kontra kay Jonathan Barajas sa Montebello Country Club sa Montebello, California.
Ro pagdaog ni Jimuel hay via unanimous 3-round decision kontra kay Barajas ng Oxnard, California.
Madumduman nga si Jimuel, ro panganay nga onga it retired eight-division world boxing champion.
Naobserbahan it pilang ka mga analyst nga medyo naga nami eon ro boxing fundamentals ni Jimuel kumpara sa unang hampang kara ku nagtaliwan nga buean it Marso.
Nagpakita sigon si Jimuel it manami nga mga kumbinasyon pamaagi sa pagpaguwa kara it mga bayo sa eawas ag ueo it kontra.
Ro 20-anyos nga batang Pacquiao hay nagatraining sa sikat nga Wild Card Gym sa Los Angeles umpisa pa ku nagtaliwan nga dag-on sa idaeom it protege it legendary trainer nga si Freddie Roach ag si Marvin Somodio nga sangka Pinoy man.
Samtang, uman nga nagpaabot it suporta sa hampang ni Junior ro MP Promotions president nga si Sean Gibbons.
