KALIBO, Aklan–Ginaeauman eon ro pagbuhos it maabu nga mga deboto ag turista para sa ginakaeangkagan nga selebrasyon it Kalibo Sr. Sto. Niño Ati-atihan Festival 2023.
Umpisa sa adlaw it Lunes gina-ekspektar eon ro performance it Curse One and Smugglaz samtang sa Enero 10 hay ro Rockstar band; Enero 11 Chocolate Factory; Enero 12 Pricetagg and JP Bacallan; Enero 13 6 Cyclemind; Enero 14 Letter Day Story ag W.A.O K-Pop star kamana man sa Enero 15 ginaeauman ro pag-abot ni Ronnie Liang ag it Tropa vibes.
Raya hay pila eamang sa mga ginpahaum ag gin-imbitahan it lokal nga gobyerno para sa Magsaysay Nights.
Mag-euwas kara, may mga paindis indis man nga ginpahaum kapareho it Battle of the Band, dance contest, got talent, Miss Gay, car and motor show ag maabu nga iba pa.
Samtang, sa Kapuso night sa Kalibo Pastrana Park hay may gina-ekspektar man nga ap-at ka mga artistang maga-abot ag sa koronasyon it Binibining Kalibo Ati-atihan 2023.
