Bilang kaparte it long month celebration it National Children’s Month makaron nga Nobyembre, ginbuksan it gobyerno probinsyal pinaagi sa Provincial Social Welfare and Development Office ro Children’s Happy Land nga makit-an sa Aklan Trade Hall.
Suno kay Evangelina Gallega it PSWDO Aklan, bukas raya para sa mga naga edad it 7 panaba kun sa siin may nakataeana nga creative corner, sweets corner, play area, ag iba pa nga magabuhay hasta sa Nobyembre 25.
Mag-eowas kara, sangka interpretative dance contest man ro ginpatigayon nga may temang “Participation Rights” nga ginpasakupan it mga grupo maghalin sa nagkaeain-eain nga banwa sa Aklan.
Angot kara, naangkon it munisipalidad it Ibajay ro first place, ginsundan it banwa it Altavas ag third place ro Batan.
Ro nasambit nga mga aktibidad hay para mataw-an it haega ro selebrasyon kamana man kahigayunan ro mga inonga nga makabonding ro andang mga ginikanan.
