Kalibo Aklan ——–May abiso halin sa Municipal Health Office ukon MHO-Malay ro pagbutang sa barracks it sangka high-end hotel it sambilog sa andang empleyadong nagpositibo sa Coronavirus Disease 2019 (COVID-19) sa baylo nga sa hotel ukon quarantine facility sa banwa it Kalibo.
Suno kay Malay Mayor Frolibar Bautista, nag-eaong ro Hue Hotels and Resort Boracay sa MHO-Malay nga sa andang property eon lang i-quarantine ro andang empleyado nga nagpositibo sa deadly virus ko January 26.
Ginasugid nga asymptomatic ro pasyente.
Kaparte raya it ginpatigayun nga libreng mass testing sa tanan nga mga empleyadong nagatrabaho sa hotel ag resorts sa Isla.
Nasayuran nga daywang adlaw man nga ginsuspende ro operasyon it nasambitang hotel para sa nagakaigo nga paglimpyo ag disinfection.
Ginmanduan ni Department of Tourism (DOT) Secretary Bernadette Romulo-Puyat ro andang regional office ag LGU-Malay nga makipag-angot sa Department of Labor and Employment (DOLE) para imbestigahan ro gina-alegar nga quarantine lapses it nasambitang hotel.
