KALIBO, Aklan — Makabig nga maka-alarma ro nagakalhit nga fake news nga pagaduea-on eon ro K-12 program sa School Year 2025-2026.
Suno kay Mr. Hernani Escullar Jr., spokesperson it Department of Education Region VI nga owa it kamatuoran ro nasambit nga balita nga naga-circulate sa social media.
Angot kara, ginpadumdum nana ro publiko nga maging madahan ag siguraduhon nga magpati eamang sa mga impormasyon nga nagahalin sa mga masaligan nga sources.
Gin engganyo man it DepEd Region 6 ro mga pumueuyu nga insigidang i-report sa andang taeatapan ro anuman nga nagatuhaw nga mga fake news nga may kaangtanan sa basic education .
Ro sigurado sigon makaron hay makaangkon it revitalized nga verson it senior high school curriculum nga igapatuman sa nagkaeain-eain nga mga lugar sa nasyon.
Apang owa pa sigon sanda it ideya kon anong mga eskwelahan sa Western Visayas ro maeakip sa pilot area it revitalized senior high school curriculum.
Ro k to 12 basic education suno kana hay sandig sa laye nga kinahangean nga ipatuman it DepEd ag anuman nga pagbag-o nga pagahimuon hay dapat nga makaangkon it bag-ong laye.
